Balangkas-ay ang tamang pagkakahanay-hanay ng mga salita. Kadalasan na ginagamit ito sa pagsusulat ng mga akda. Karaniwang makikita ito sa mga pahayag, teksto at mga kwentong babasahin. Idiniriin din ng paggamit ng balangkas ang mga pangunahing ediya na madaling maiintindihan ng mga tao. Sa Ingles ay outline.

Ang wika ay isang sistema ng komunikasyon sa pagitan ng mga tao na kung saan maykaayusan sa pagpapahayang ng damdamin o kaisipan.

Arbitraryo-ay ‘di pagtunton sa katuwiran maging sa anumang batas o sistema ng pagpapasya. Ang isang arbitraryong desisyon ay mabagsik kung tutuusin. Hindi ‘yung mabagsik na nanununtok, mabagsik dahil kaya nitong maging batay lang sa kung ano ang napagpasyahan. Ito ay batay sa pasiya ng indibidwal at ‘di sa batas.

buhay o dinamiko-sapagkat ito ay nagbabago. Ito ay buhay. Ito ay patuloy na nagbabago ayon na rin sa pamumuhay ng tao na mabilis ang takbo dulot ng agham at teknolohiya. Ito ay nadaragdagan ng mga bagong bokabularyo. Ang pagiging malikhain ng tao ang lumilikha ng mga bagong salita.

nanghihiram-Mayroong mga salitang Ingles na walang katumbas sa Filipino kung kaya’t ang panghihiram o adaption ng isang salita ay nangyayari o ginagawa.

Ponema-Ang ponema ay ang pundamental, teoretikong yunit ng tunog na nakakabuklod ng salita. Nakakabuo ng ibang salita kapag pinapalitan ang isang ponema nito.

kahalagahan ng wika-Ang wika ang sumasalamin sa kultura ng isang bansa.Ang wika ang ginagamit sa pakikipagtalastasan. Ang wika ang instrumento upang maipahayag ang damdamin ng tao. Ang wika ang pangunahing simbolo ng mga gawain ng tao. Ang wika ang kasangkapan sa paglikha ng mga sining.

Ang wika ang kasangkapan ng isang manunulat sa paglikha ng kanyang sining. Karaniwa'y di totoong mahalaga kung ano man ang wikang iyon. Ang higit na mahalaga'y kung paano ginagamit ng maguni-guning manunulat ang wikang kasangkapan. Ang kakayahang ito ay itinuturing na biyayang galing sa Diyos. Sa pamamagitan nito, naipaaabot ng tao ang kanyang kaisipan, nadarama, nakikita, at nararanasan sa kanyang mundong ginagalawan. Sa kabuuan, ang wika ay isang daan sa pakikipagsapalaran at pagsulong ng bansa sa iba't ibang larangan ng buhay.

Ang wika ay ang pangunahin at pinakamalawak na anyo ng simbolikong gawaing pantao. Ang mga simbolong ito ay binubuo ng mga tunog na nalilikha ng aparato sa pagsasalita at isinasaayos sa mga klase at padron na lumilikha sa isang komplikado at simetrikal na istruktura. Ang mga simbolong ito ay mayroon ding kahulugang arbitrayo at kontrolado ng lipunan. Ang mga batas na umiiral sa lipunan ay nabuo gamit ang wika at ito rin ay ipinatutupad upang sundin ng mga tao sa pamamagitan ng wika.

Ang wika ay maituturing na behikulo ng pagpapahayag ng damdamin. Gayundin, ito ay nagsisilbing medyum upang maitago at maisiwalat ang katotohanan. Maraming mahahalagang impormasyon sa media ang naibabahagi sa tao sa pamamagitan ng wika. Ang pagaanalisa sa iba’t – ibang pakahulugan para sa mga impormasyong nakalap ay tinutugunan din ng wika. Mahalaga na mabigyan ng tamang interpretasyon ang mga bagay na nababasa, napapanood, o nakikita sa internet.

Ang wika ay mabisang kagamitan ng tao sa pakikipagtalastasan. Sa pamamagitan ng pagkakaroon ng iisang wika, mas madaling maunawaan sa tao ang kanyang kapwa. Ang wika ay may sistemang balangkas ng sinasalitang tunog na pinipili at isinasaayos sa paraang arbitraryo upang magamit ng mga taong kabilang sa isang kultura, ang lahat ng wika ay nakabatay sa tunog na kung tawagin ay ponema. Kapag ang ponema ay pinagsama-sama maaaring makabuo ng maliliit na yunit ng salita na tinatawag na morpema. Sintaksis ang tawag sa makaagham na pinag-ugnay-ugnay na mga pangungusap. Diskors, kapag nagkaroon ng makahlugang palitan ng dalawa o higit pang tao.

Mahalagang bahagi ng kultura ay ang pagkakaroon ng sariling wika. Bilang bahagi ng kultura, ang wika ay nagsisilbing kaban ng mga karanasan ng tao sa tiyak na lugar at panahon ng kaniyang kasaysayan. Sa pamamagitan nito, mas nakikilala ang bayang kanyang kinabibilangan at mas nagiging madali para sa isang tao na angkinin at ipagmalaki ang kulturang kanyang nauunawaan at kinamulatan. Ang bawat henerasyon ay may kulturang pinahahalagahan ayon sa kanilang wika.

Katangian ng Wika-Ang wika ay maaaring magkaroon ng mga marka ng mga katangian ngunit ang mga sumusunod ay ang pinakamahalaga: ang wika ay arbitraryo, produktibo, malikhain, sistematiko, tinig, panlipunan, hindi likas sa ugali at maginoo. Ang mga katangiang ito ng wika ay nagtatakda ng wika ng tao mula sa komunikasyon ng hayop.

Gawain 2: Mind Map

Kahulugan , katangian at kahalagahan ng Wika